Галава зубра i васiлёк: у Гродна 160 аўтааматараў зрабiлi родныя сiмвалы са сваiх аўтамабiляў

    Падрыхтоўка да мерапрыемства вялася каля месяца. За гэты час была створана камп'ютарная мадэль і прадуманы сцэнарый уключэння святла. Бо менавіта гульня святла ўзбагачае вобразы, створаныя з аўтамабіляў.

    У дзень мерапрыемства, 27 снежня, у Гродна рэзка пахаладнела, а за гадзіну да агульнай сустрэчы пачалася завіруха са снегам. Нягледзячы на ​​непагадзь, гродзенцы ўсё роўна прыехалі - і ў гэтым увесь наш характар! Каб удзельнікі акцыі не мерзлі, арганізатары раздавалі бясплатную каву.

    Праца доўжылася тры гадзіны. А затым квадракоптар падняўся ў неба!

    - Чаму зубр і васілёк?

    - З пакалення ў пакаленне перадаюцца сімвалы беларускай зямлі - зубр і васiлёк. Зубр адрозніваецца мудрасцю, спакоем і справядлівасцю. Ён ніколі не нападае першым. А васiлёк служыць увасабленнем культуры і прыгажосці. І гэтая кветка толькі на першы погляд простая. На самой справе, ніхто адразу і не скажа, колькі пялёсткаў у васiлька. У гэтых сімвалах прысутнiчае кожны з нас - кожны з беларусаў!

    - Колькі людзей сабралася на акцыю?

    - Каля 160 гродзенскіх аўтааматараў з сябрамі і сем'ямі вырашылі павіншаваць Беларусь з Новым годам. Мы дружна выстраілiся ў родныя сімвалы, звярнуўшыся да ўсяго народу: мы разам - і гэтым мы моцныя. З Новым 2020-м годам!

    Гэтая гісторыя пра кожнага з нас. І мы яе ствараем разам. Са святам!

    АўтаГродна выказвае падзяку супольнасці аўтамабілістаў Гродна, а таксама:

    ДАІ Гродна за падтрымку і прадастаўленне пляцоўкі

    УП "АзотХiмФортыс" за тое, што не даюць змерзнуць аўтамабілям і ўдзельнікам акцыі (забяспечылі ўсіх кавай).

    "АзотХiмФортыс" - гродзенскі вытворца якасных антыфрызаў пад гандлёвай маркай FORTIS.

    Фота: Сяргей Марозаў / цудоўная кава: @wakecup_grodno

Рыхтуем відэа